Баптар

Сұрақ-жауап

1539 сұрақтардан 21 - 25 сұрақтар
14 Қазан 2018
Естаев Алтай Нышанбаевич
Сұрақ
А Р Ы З Менің арыз жазу себебім төмендегіше: ​Түлкібас ауданы, Тұрар Рысқұлов ауылы, «Жанкент» орта мектебінде жұмыс атқарамын. 2018 жылдың басында Түлкібас аудандық білім бөлімінің басшысы міндетін уақытша атқарушы Айнакулов Шәкір есімді азамат жұмысына шақырды. Ол сөз арасында өзіне 600 000 (алты жүз мың) тенге ақша қаражаттың зәру керек екендігін айтып, менен қарыз сұрады. Мен өзімнің тікелей басшым болғандықтан көмек беруді жөн көрдім. Арада бірнеше күн өткен соң туыстарымнан қарыз алып, Айнакулов Шәкірдің жұмыс орнына 600 000 (алты жүз мың) тенге ақша апарып бердім. Қарыз ақшаны 1 (бір) ай ішінде құтылатындығын айтты. Өзімнің басшым болғандықтан қолхат алуға бата алмадым. ​Арада жарты жылдан аса уақыт өткендігіне қарамастан Айнакулов Шәкір қарызды қайтаруға асықпады. Соңғы рет, өзінің жұмыс орнына шақырып, «Сенің ақшаңның орнына жұмысыңды жоғарлатып берейін» деді. Мен ол сөзді естіген кезде осындай лауазымды тұлғаның не айтып отырғандығын түсінбей қалдым. Сөйтсем менің ақшамды қайтарғысы келмеген Айнакулов Шәкір мені өзімнің жұмыс істеп жатқан жеріме басылыққа қойатындығын айтқан екен. Мен Ш.Айнакуловтың бұл шартына келіспей қарыз ақшаны қайтаруын сұрандым. Сол күннен бастап Ш.Айнакулов менің соңыма шырақ алып түсуді бастады. Өзімнің жұмыс істеп жатқан жердегі мектеп директорын маған қарсы қойып, болмашы себептермен ұрыс шығаруды бастады. ​Алайда, менің жұмысыма адал екендігімді білген соң, басқа әрекеттерге көшуді жөн көрді. Амалдарынан түк шықпағана соң, 06.09.2018 жылы Тұрар Рысқұлов ауылында орналасқан базар маңына жолығуға шақырды. Ш.Айнакуловпен жолығып, сол жерде «1 сағаттан кейін Жданов ауылында орналасқан үйіме кел» деді. Ш.Айнакуловтың айтуымен мен сол уақытты туралап үйіне бардым. Үйін Ш.Айнакуловтың әйелі ашты. Мен ол кісіге күйеуі Ш.Айнакуловпен жолығуға келгендігімді айттым. «Шәкір үйге келмеді» деді. ​«Маған қарыз ақшаны беремін деген еді, Сізге тастап кетпеді ма?» деп сұрағанымда, артынан 20-22 жас шамасындағы жігіт себепсізден себепсіз балағаттай жөнелді. Ар намысыма тиетін сөздермен балағаттап, анамның ар намысын таптайтын сөздерге көшкен кезде, мен ашуланып, «Папаңды шақыр, мені үйіне шақырғандығы баласына боқтату ма?» дедім. Сол кезде әлгі жігіт үйіне жүгіріп кіріп, шолақ мылтық алып шықты. Мені сол жерде атып тастаймын деген соң автокөлігіме мініп қаша жөнелдім. ​Артымнан сарғылт келген «Lexus RX-300» автокөлігімен қуа жөнелді. Өміріме тікелей қауіп төнгенін сол кезде байқадым. Сайрам ауданы, Манкент ауылына дейін қашып келдім. Артымнан көрінбей қалған соң, жан жағыма қарай бергенім сол еді. Жаныма жақындап келіп бірнеше рет атыс қаруымен автокөлігімді атты. Қорыққанымнан автокөлігімнің жылдамдығын асыра айдап, Ақсукент ауылына келдім. Артымнан қалмастан қуып келді. Ақсукент ауылында орналасқан Сайрам АІІБ-ның қасына келген кезде барып артқа қайтарылды. ​Орын алған жәйт бойынша Сайрам АІІБ-на арыздандым. Арызым бойынша ҚР ҚК-нің 293 бабы 3 бөлігімен қылмыстық іс қозғалып, сотқа дейінгі тергеп тексеру амалдары басталды. Тергеу амалдарын Сайрам АІІБ-ның тергеушісі Н.Сұлтанбаев жүргізді. Сол күні мені атыс қаруымен атқан азаматтың жеке басы анықталып, уақытша ұстауға алынды. Ол азамат 22.01.1998 жылы туылған Сейдан Есімхан Шакирұлы екен. Түлкібас аудандық білім бөлімінің басшысы міндетін атқарушы Ш.Айнакулотың баласы екен. ​Бірнеше күн өткеннен кейін Е.Ш.Сейданға кепіл зат қойылып уақытша қамаудан босатылғандығын естідім. Сайрам АІІБның тергеушісі Н.Сұлтанбаев сотқа дейінгі тергеп тексеру амалдарын жүргізу барысына Сайрам аудандық прокуратура тарапынан қысым көріп отырғандығын ашып айтты. Тергеу бөлімінің басшысыда қылмыстық істі сотқа дейін бару бармайтындығын маған ашып айтты. Сайрам аудандық прокуратурасының прокуроры Самат Жамалбеков тікелей қылмыстық қудалау органының тергеушісіне қылмыстық істі тоқтамға алуға мәжбүрлеп отырғандығын айтып көрсетуде. Маған белгісіз себептермен Сайрам аудандық прокуратурасы менің арызым негізінде қозғалған қылмыстық істі сұратып алып осы күнге дейін қайтармай отыр. Құрметті министр мырза! 1. Жоғарыда көрсетілген мән-жайлардың негізінде азамат Сейдан Есімхан Шакирұлының іс-әрекеттеріне объективті баға беріп, менің арызым негізінде қозғалған ҚР ҚК-нің 293 бабы 3 бөлігімен қозғалған қылмыстық істі ҚР ҚК-нің 99 бабына қайта дәрежелеп, қылмыстық істі сотқа жолдауыңызды 2. Түркістан облысы ІІД-нің, Сайрам аудандық ІІБ-ның тергеушісі неліктен сотқа дейінгі тергеп тексеру жұмыстарын біржақтама жүргізіп, менің ұсынған мәліметтеріме мән бермей отырғандығын анықтауыңызд 3. Сайрам аудандық прокуратурасы тарапынан қылмыстық істің заңды тергелуіне кедергі жасалып отырғандығын тексеруіңізді СҰРАНАМЫН !!! Арыз иесі: Естаев Алтай Нышанбаевич __________________
Жауап
Қазақстан Республикасы Білім және ғылым министрлігінің Білім және ғылым саласындағы бақылау комитеті (бұдан әрі - Комитет) Сіздің Түркістан облысы, Сайрам аудандық ішкі істер бөлімі тарапынан қозғалған қылмыстық іске қатысты шағымыңыз бойынша өз құзыреті шегінде келесіні хабарлайды. Қолданыстағы заңнама талабына сәйкес, мемлекеттік органдар өз функцияларын нормативтік құқықтық актілерде бекітілген құзыреті шегінде атқарады. Қазақстан Республикасы Кәсіпкерлік кодексінің 151-бабына сай, мемлекеттік бақылау органының лауазымды адамдарына осы мемлекеттік органның құзыретiне жатпайтын талаптардың орындалуын тексеруге тиым салынған. «Білім туралы» Қазақстан Республикасы заңының 5-бабының 32) тармақшасына сәйкес, Комитет білім беру ұйымдарында Қазақстан Республикасының білім беру саласындағы заңнамасының және нормативтік құқықтық актілерінің, мемлекеттік жалпыға міндетті білім беру стандарттарының сақталуына мемлекеттік бақылау жасауды жүзеге асырады. Білім беру жүйесіндегі мемлекеттік бақылау объектілеріне оқу бағдарламаларын іске асыратын заңды тұлғалардың білім беру қызметі, білім алушылардың білім беру бағдарламаларын меңгеру деңгейі жатады. Сәйкесінше, өтініште көрсетілген ақшалай қарыздың уақытылы кері қайтарылмауы, күдікті тұлғаға қатысты қозғалған қылмыстық іске қатысты сұрақтарды қарау Комитеттің құзырына кірмеуіне байланысты, бұл мәселемен сотқа шағымдануға кеңес беріледі. Егер осы берілген жауаппен келіспеген жағдайда, «Жеке және заңды тұлғалардың өтініштерін қарау тәртібі туралы» Қазақстан Республикасы заңының 12-бабымен көзделген тәртіпте оған шағым келтіруге құқылысыз.
12 Қазан 2018
Сергеева Айгул Максатовна
Сұрақ
Сәлеметсіздер ме! Мен сіздерге хат жолдаған едім Жауап күтемін.
Жауап
Кандидаттық диссертация шифры бойынша ғылыми атақ алу міндетті емес. Егер қорғағаннан кейін шыққан мақалаларыңыз, ммонография мен оқу құралыңыз басқа мамандыққа сәйкес келсе сол бойынша ғылыми атаққа ұсынуға болады.
12 Қазан 2018
Байкенова Алия Кыдырбаевна
Сұрақ
Құрметті Ерлан Кенжағалиұлы! Мен, Байкенова Алия Кыдырбаевна өзімді Қазақстан Республикасының сауатты, білімді патриоттарының бірімін деп есептеймін. Бүгінде заңды некеден тапқан 4 баланы тәрбиелеп отырған көп балалы анамын. Білімім жоғары, магистрлік дәрежем де бар. Ана тілімді жетік білемін, орыс тілін де жақсы білемін деп ойлаушы едім. Алайда, орыс тілінде айтылған «ДЕБИЛ» сөзінің аудармасын толық түсіне алар емеспін. Мектеп қабырғасында оқушыларға дәріс беру барысында мұғалім балаларға «ДЕБИЛ» деген сөзді мысал ретінде болсын, әзіл ретінде болсын, балалардың іс-әрекетін «ДЕБИЛ» сөзімен ұштастырып пайдаланғаны қаншалықты жөн? Білім саласында ұрпаққа біліммен қатар тәрбие беретін мұғалімдердің «ДЕБИЛ» деген сөзінің балаларға айтылуы қаншалықты Қазақстан Республикасының Заңнамасына және Елбасымыз Нұрсұлтан Әбішұлы ұстанған «Ұрпақ тәрбиелеу» саясатына сәйкес келеді? 2018 жылы 5-қазан күні Ұлттық телеарнаның тікелей эфирінде Елбасымыз Нұрсұлтан Әбішұлы Халыққа Жолдауында «Мұғалім -тек білім беруші емес, ең алдымен ол ұрпаққа тәрбие беруші» екенін атап айтты. Құрметті Ерлан Кенжағалиұлы! Сізден, жоғарыда қойылған сауалға толық түсінік алу үшін төмендегі қойылған сұрақтарға толық жауап беруге тапсырыс етуіңізді СҰРАЙМЫН: 1. «ДЕБИЛ» сөзінің қазақша мағынасы қандай? 2. «ДЕБИЛ» сөзінің бала тәрбиесіне пайдалануға болатын педагог термині ретінде бекітілген сөз бе? 3. «ДЕБИЛ» сөзін балаларға сөздік қорында пайдаланатын педагог қауымына қандай да бір жаза (сөгіс, қатаң сөгіс немесе қызметтен төмендеу) қолданылады ма? эл.пошта: abaikenova79@mail.ru
Жауап
Кешіріңіз, өкінішке орай, Сіздің сұрағыныз Қазақстан Республикасы Білім және ғылым министрлігінің Білім және ғылым саласындағы бақылау комитетінің құзыретіне кірмейді. Аталған мәселемен Сізге Қазақстан Республикасы білім және ғылым министрінің блогына www.edu.gov.kz сайты бойынша хабарласуға болады.
12 Қазан 2018
Тилесова
Сұрақ
Уважаемый министр здраствуйте! Обращаюсь повторно так как сайт не публикует мое обращение. Прошу вас разобраться в ситуации города Актау а именно в системе дошкольного воспитания. Сегодня 11октября 2018 года утверждают руководителей над 5-6 детскими садами. Упраздняют должность директора детского сада. Лишая юридического статуса. Я Тилесова Ботагоз Аманкосовна уже в течении 8 лет директор детского сада. Я лично за все изменения в сфере образования реоганизация тоже хорошо с нас снимают бухгалтерию тоже радует так как нет гос закупщика в штате. Но удивляет ГорОо которое без конкурсной основы приказом с сегодняшнего дня утверждают Руководитей детских садов над 5-6садами? На основании чего вопрос? Почему не провели конкурс? Будет сокращение штатов. Понижение заработной платы директора так как нас переведут на должность заведующих. До этого сотрудники бухгалтера, завхозы, преподаватели узких специалистов предпринимали вопрос через профсоюзную организацию но без результатно. Прошу Вас лично обратить внимание на предстоящие изменения и Не перенапралять нижестоящие инстации данное обращение. За такую заработную плату 87тыс оклад в месяц с высшей категорией являясь вдовой и воспитывающая двойх несовершеннолетних детей при такой реорганизацией лучше бросить свое призвание и идти продавцом супер маркет. Просто ооочень наболело. Жалко броссть коллектив. Надеюсь на Ваше понимание. Педагогический стаж 18лет.
Жауап
Извините, Ваш вопрос не входит в компетенцию Комитета по контролю в сфере образования и науки Министерства образования и науки Республики Казахстан. С данным вопросом рекомендуем Вам обратиться на блог Министра образования и науки Республики Казахстан на сайте www.edu.gov.kz
11 Қазан 2018
Сергеева Айгул Максатовна
Сұрақ
Сәлеметсіздер ме! Қауымдастырылған профессор атағын алу үшін мақалалар тек қорғаған тақырып саласында болуы шартты ма? Егер экономикалық, әлеуметтік және саяси география шифры бойынша диссертация қорғап туризм саласы бойынша еңбектерім бойынша қауымдастырылған профессор атағын алу үшін құжаттар тапсыруыма бола ма? Диссертация тақырыбым "Батыс Қазақстан экономикалық ауданында қоныстану жүйесінің қалыптасуы мен дамуы". 2002 жылы қорғалған. Қазір туризм мамандығына сабақ беремін. Бірнеше мақалаларым мен монография, оқу құралдарым осы сала бойынша жарық көрген.
Жауап
Кандидаттық диссертация шифры бойынша ғылыми атақ алу міндетті емес. Егер қорғағаннан кейін шыққан мақалаларыңыз, ммонография мен оқу құралыңыз басқа мамандыққа сәйкес келсе сол бойынша ғылыми атаққа ұсынуға болады.

Pages