Баптар

Сұрақ-жауап

1539 сұрақтардан 1351 - 1355 сұрақтар
22 Тамыз 2014
Өткелбай Мөлдір
Сұрақ
Саламатсыздар ма! Мен Астана каласының тұрғынымын. Алты жасар қызым бар. Өзімнің жеке баспанам болмағандықтан бир ағайындарымыздың үйінде (Астана қаласы, Момышұлы даңғылы 14 үй) пропискада тұрмыз. Бирақ өзіміз бір танысымның үйінде, Астана қаласы, Мүсрепов көшесі 5\2 үйде еки жарым жыл тұрып жатырмыз. Биз тұратын мекен жайымыз бойынша №38 мектеп-лицейге қарайды екенбіз. Екі рет барып мектепке құжат тапсыра алмадым. Алғаш барғанымда, накты осы мекен жайда туратыныңызды далелдеу үшін, арнайы нотариалды куаландырылған құжат акелеңіз деді және сіз біздің тізімде жоқсыз деп шығарып салды. Жылына еки рет арнайы бөлінген мұғалім үйлерді аралап тіркеу жүргізу керек екен. Бірақ бізге тіркеу жүргізіп уйге адам келген емес. Мүмкін мен жұмыста болганда келген шығар. Содан екі күннен кейін мектептен екі мұғалім келіп тіркеп кетті. Арада бірнеше күн өткенде құжат тапсыруға 22.08.2014 ж кайта бардым. Құжат қабылдауда басқа мұғалім отыр екен. Сіз базада жоксыз (ешқандай қағаз немесе компьютерді ашпастан), нотариалды куәландырылған құжатты көріп, бұндай құжатпен мектепке кабылдау немесе қабылдамау туралы шешімді мектеп директоры шешеді деді. Мектеп директоры орнында жоқ, жиналысқа кетті. Завучтар отпускада, отпускада емесі жиналыста деп тағы шығарып салды. Сіздерден сұрағым келгені, менің жағдайымда мен қызымды қай мектепке беремін және нотариалды куәландырылған құжат (үй иесінің қызым екеуміздің тұруымызға келісім бергені туралы арызы) міндетті түрде тапсырылу керек па? Мектепке қабылдаудың министрлік бекіткен тәртібі бар шығар және ол бойынша мен калай әрекет етуім керек. Менің хатыма жауап берерсіздер деген сенімдемін.
Жауап
Құрметті Өткелбай Мөлдір! Қазақстан Республикасы «Білім туралы» Заңының 6 бабы 3-тармағының 2)тармақшасына сәйкес мектеп жасына дейінгі және мектеп жасындағы балаларды есепке алуды, оларды орта білім алғанға дейін оқытуды ұйымдастыру Астана қаласының жергілікті атқарушы органның құзыретіне кіреді. Жоғарыда айтылғанды ескере отырып, Сізге осы сұрақ бойынша Астана қаласының білім беру бөліміне немесе жергілікті атқарушы органдарға өтінішіңізді жолдауға қажет екендігін хабарлаймыз.
18 Тамыз 2014
Залжанқызы Алмагүл
Сұрақ
Сәлеметсіз бе! Мен сіздерден сұрайын деген сұрағым мынау. Мен Атырау облыстық балалар интернат үйінде 2009 жылдан бастап дефектолог - мұғалім болып қызмет етемін. 2012-2013 жылы кезекті аттестаттаудан өттім, сол кезде бұрынғы екінші тәрбиешілік санатым болғандықтан бірінші санатқа өтініш білдірдім.Бірақ Атырау облыстық білім басқармасы менім өтінішімді қабылдамады өйткені Білім және ғылым министрліктін аттестаттау ережесі бойынша бұл тәрбиешіден бөлек мамандық болғандықтан кері екінші санатты алатынымды айтты. Ал 2013-2014 оқу жылына мендей 2010 жылдан бастап дефектолог - мұғалім болып қызмет еткен тәрбиешіліктен Жоғарғы санат пен,бірінші санатты мамандардын санаттарын растап берді және екінші санатты тәрбиешілікті бірінші санатты дефектолог- мұғалім санатына облыстық білім беру баскармасынан бұйрық берілді. осыған байланысты Атырау облыстық білім беру басқармасына барып не себептен менім өтінішім қабылданбай бұл мамандарға санаттары қалай беріліп тұрғанын сұрадым. Облыстық білім беру басқармасының басшысы Б.Сәрсенғалиев мынадай жауап берді Қ.Р.Білім және ғылым министірлігінің 2013 жылғы 7 тамыздағы № 323 бұйрығы негізнде өткізлгенің хабарлады.Менің сұрайын дегенім осы ережеге сәйкеспе және жыл сайын ереже өзгеріп отырама ?Мен ол ережемен таныстым бірақ бұрын басқа сала бойынша алған санаттарын растауға немесе көеруге құқылы дегенді таба алмадым .Сондықтан бұл жерде бұрмалаушылықтар айқын байқалып тұр, сол себепті сіздерге заңдылығын сұрап өтініш жазып отырмын.
Жауап
«Білім туралы» Қазақстан Республикасы Заңының 59 бабына сәйкес білім беру жүйесіндегі мемлекеттік бақылау мемлекеттің білім алуға деген құқықты қамтамасыз етуге және білім беру бағдарламаларын іске асыратын заңды тұлғалардың өздері жүзеге асыратын білім беру қызметінің Қазақстан Республикасының білім беру саласындағы және лицензиялау туралы заңнамасының талаптарына сәйкестігін сақтауға бағытталған және оны білім беру саласындағы уәкілетті орган мен жергілікті атқарушы органдар өз құзыреті шегінде жоспарлы түрде жүзеге асырады. Ал, педагог қызметкерлер мен оларға теңестірілген тұлғаларды біліктілік санаттарын (растау) беру үшін аттестаттау Қазақстан Республикасы Білім және ғылым министрі міндетін атқарушысының 2013 жылғы 7 тамыздағы № 323 бұйрығымен бекітілген «Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қағидалары мен шартына» сәйкес педагог қызметкер мен оларға теңестірілген тұлғалардың біліктілік талаптарына сәйкестігін оның кәсіби құзыреттілігін бағалау негізінде анықтау мақсатында жүзеге асырылады. Жоғарыда айтылған негізінде, Сіздің сауалыңызда көрсетілген бақылау рәсімдері білім беру саласындағы заңнамаларына сәйкес өз бетінше тиісті саланың уәкілетті органдарымен іске асырылады
18 Тамыз 2014
Досмов Сабыржан Жаркинович
Сұрақ
9 сыныпты бытырген карындасым ауылдан келген еды мектепты жалгастыруга колежге шамасы жетпейды агам онын акесы кайтысболган 1 ул 4 кызы бар улкен кызын мектеп кабылдамай жатыр не истерымызды былмеймын...кенес и акылынызды айтсаныз 87011513232
Жауап
Қазақстан Республикасы Үкіметінің 2012 жылғы 19 қаңтардағы № 127 қаулысымен бекітілген Бастауыш, негізгі орта және жалпы орта білімнің жалпы орта білім беретін оқу бағдарламаларын іске асыратын білім беру ұйымдарына оқуға қабылдаудың үлгі қағидаларының 4 тармағының 15 тармақшасына сәйкес жалпы орта білімнің жалпы білім беретін оқу бағдарламаларын іске асыратын білім беру ұйымының оныншы немесе он бірінші сыныбына қабылдаудан бас тартылған жағдайда білім беру ұйымын бітіруші және (немесе) оның заңды өкілдері білім беру саласындағы уәкілетті органдарға шағымданады.
16 Тамыз 2014
Залжанқызы Алмагүл
Сұрақ
Мен Атырау облыстық ақыл ойы-кем дамыған балаларға арналған интернат үйінде дефектолог мұғалім болып қызмет етемин. 2012-2013оқу жылында өзімнің кезекті атесттацидан өтуім керек болып Атырау облыстық білім беру басқармасына 1 санатқа өтініш білдірдім өйткені менің 2 санатым болған еді. Ал білім беру басқармасы менің і 2 санат тәрбиеші лауазымынан болғандықтан қайта екінші санатты алатынымды ескертті себебі дефектолог мұғалім басқа сала болғандықтан білім және ғылым министірлігінің ережесі бойынша деп өтінішімді қабылдамады. Сөйтіп дефектолог - мұғалімдігім бойынша кері екінші санатты алдым.Енді осы интернат үйінде қызмет ететін дәл осындай тәрбиешілікпен алған жоғарғы санатты бірінші санатты дефектолог мұғалімдердің 2013-2014 оқу жылында кезекті атесттациялау кезінде санаттарын растауға берген өтініштері бойынша санаттарын растап және тәрбиешілігімен алған екінші санатты бір дефектолог мұғалімнің санатын бірінші санатқа көтергенің қай заңдылық пен ережеге сүйенгенің сұрап атырау облыстық білім беру басқармасының басшысы Б. Сарсенғалиевке барғанымда маған Қ.Р. Білім және ғылым министрлігінің 2013 жылғы 7 тамыздағы №323 бұйрығын басшылыққа алғаны жөнінде хабарлады. Мен осы бұйрықпен таныстым одан түсінгенім екінші санатты алмай бірден бірінші немесе жоғарғы санат беріледі дегенді көрмедім және осы бұйрықпен берілген қосымша ереже қортындысыда келесі оқу жылының басында қолданысқа енеді делінген ол дегенің осы2014-2015 оқу жылы емеспе. Атырау облыстық білім беру басқармасының атесттциялау комиссиясының шешімі заңды ма? Неге Білім және ғылым министірлігінің ережесі бұрмаланып отыр?
Жауап
Қазақстан Республикасы Білім және ғылым министрінің 2009 жылғы 13 шілдедегі № 338 бұйрығымен бекітілген Педагог қызметкерлер мен оларға теңестірілген тұлғалардың лауазымдарының үлгілік біліктілік сипаттамаларына сәйкес тиісті санатты алу үшін міндеттерді анықтаумен қоса біліктілікке қойылатын талаптар: бірінші санатты жоғары деңгейлі дефектолог-мұғалім: біліктілік деңгейі жоғары екінші санатты дефектолог-мұғалімге қойылатын жалпы талаптарға сәйкес болуы, сонымен қатар оқытуда тәрбиеленушілердің ауытқуларын барынша түзеуге бағытталған сараптау әдістерін меңгерген, шығармашылық семинарларды басқара білу, педагогикалық озық тәжірибені ендіру, дефектологияның заманауи әдістерін меңгерген, қолдануға құқылы сертификаттары бар, білім беру ұйымының әдістемелік бірлестіктерінің жұмысына қатысу, өз кәсіби құзырлығы саласына қажетті теориялық және практикалық білімінің болуы керек.
13 Тамыз 2014
Сейітова Нұрсұлу
Сұрақ
Мен қазіргі таңда Қожабақы ауылында №25 мектепте мектеп психологы болып жұмыс жасаймын. Қорқыт Ата атындағы Қызылорда мемлекеттік университетті1994 жылы түсіп, 1998 жылы физика пәні мұғалімі бойынша бітіріп, физика пәнінен сабақ бердім.Ауылда физика пәнінен мұғалім көп болып, сағат жетіспеуіне байланысты тағы да ЖОО-на түсуге мәжбүр болдым.Сөйтіп 2007 жылы Алматыдағы Қазақ мемлекеттік қыздар педагогикалық институтына сырттай оқуға түсіп,2009 жылы ""психолог" мамандығын бітірдім. Жалпы педагогикалық стажым17 жыл соның ішінде психолог мамандығы бойынша 8 жыл категориям психолог мамандығы бойынша ІІ, 5 жыл өткен соң ауданға І ге өтініш жазып едім өткізе алмаймыз дейді.Себебі дипломыңда "психолог" деп жазылған. Сонда мен мектепте психолог болып жұмыс жасай аламында, категория бойынша жоғарылай алмаймын ба? қаншама жетістіктерім бар, қаншама курстардан өттім, стажым бар бұлар есептелмей ме? Менің ІІ категория бойынша айлық алып отырғанымда заңсыз ба? 2007 жылдан бастап 2014 жылдың наурыз айына дейін айлығымды "G-10" мен төледі де, осы жылдың сәуір, мамыр айында "G-9" бен төледі.Мен сияқты дипломына тек қана " психолог"-деп жазылғандарға "G-9" -бен төлеу заңсыз ба? осы екі сұрағыма жауап алсам деймін. Алдын-ала рахмет.
Жауап
Қазақстан Республикасы Білім және ғылым министрі міндетін атқарушының 2013 жылғы 7 тамыздағы № 323 «Білім және ғылым саласындағы азаматтық қызметшілерді аттестаттаудан өткізу қағидалары мен шартын, сондай-ақ Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қaғидалары мен шартын бекіту туралы» бұйрығына 2-қосымшасының 40-тармағына сәйкес аттестаттау комиссиясының шешімімен келіспеген жағдайда қызметкер оған сот тәртібінде шағымдана алады.

Pages