Баптар

Сұрақ-жауап

1363 сұрақтардан 1266 - 1270 сұрақтар
24 Маусым 2013
Бекишева
Сұрақ
Ұлттық бірыңғай тестілеу орталығының директоры Қ.С. Абдиевке Семей қаласы № 22 мектебінің «Алтын белгіге» үміткер болған 11 сынып оқушысы Бекишева Ақниеттен Мен «Алтын белгіге» үміткер болған 11 сынып оқушысы Бекишева Ақниет сізге өтініш хат жазған себебім, осы уақытқа дейін мектепте алынған 17 сыныма тестілердің ішінде Қазақстан тарихының жаңа 8 сынып оқулығының (Қабылдинов. 2008 ж. Атамұра) ішінен бірде- бір сұрақ кездестірмедім. 8 сынып бойынша сұрақтар сынама тестілерде негізінен ескі оқулық бойынша (8 сынып. Авторы Қасымбаев.) келгендіктен, мен осы оқулықпен дайындалдым. Ал менің қате жіберген сұрағым жайлы ақпарат жаңа оқулықта ғана бар екен, ескі оқулықта берілмеген. 2701 нұсқа 22 сұрақ 18 ғ. қалмақ хандығының аумағы А) Кіші жүздің солтүстік- батысы В) Кіші жүздің оңтүстік- шығысы С) Ұлы жүздің батысы Д) Орта жүздің солтүстік- шығысы Е) Орта жүздің шығысы Менің қате белгілеген жауабым Д) варианты Орта жүздің солт шығысы. Бұлай белгілеген себебім, 7 сыныптың оқулығында жоңғарлардың (қалмақ жоңғар екеуі бір халық болғандықтан) аумағы жайлы тек бір ғана сөйлем Орта жүздің солтүстік- шығысына дейін жеткен деп берілген. (7 сынып Қазақстан тарихы §44, 183 бет). 18 ғ. қалмақ хандығының аумағы Кіші жүздің солтүстік- батысы дегенді мен кездестірмедім. ). 18 ғ. қалмақ хандығының аумағы Кіші жүздің солтүстік- батысы деген сөйлем тек 8 сыныптың жаңа оқулығында ғана бар екен. Ал сұрақтар негізінен осу уақытқа дейін 8 сыныптың ескі оқулығынан ғана келіп жүрді. «Алтын белгіге» үміткер болғандықтан 1 балл жетпеуі себепті осы менің өтінішімді мүмкіндік болғанынша қарап, көңіл бөлуіңізді сұраймын. Семей қаласы, №22 мектеп 11 сынып оқушысы Бекишева Ақниет 87751760573
Жауап
Ақниет, ұлттық бірыңғай тестілеуде пайланылатын сұрақтар тек мектеп бағдарламасы шеңберінде, Министрлік бекіткен оқулықтың мазмұнына сәйкес құрастырылады. Қазақстан Республикасы Білім және ғылым министрінің 2011 жылғы 5 желтоқсандағы № 506 бұйрығымен бекітілген Ұлттық бірыңғай тестілеуді (ҰБТ) өткізу қағидаларына сәйкес ҰБТ-ға қатысушылардың құқығын қорғау мақсатында тестілеу өткізу кезеңінде апелляцияны қарау және бітірушілердің құқығын қорғау мақсатында комиссия құрастырылған. Балл қосу тек осы комиссияның құзыретіне кіреді. Сонымен қатар, балды заңды негіз, дәлел болған жағдайда ғана қосады. Егер «Алтын белгі» үміткеріне бір балл жетпесе, үміткерге жоғары оқу орнына түсерде артықшылығы бар үздік куәлігі беріледі.
21 Маусым 2013
Каргаева Акбиби Тобышкызы
Сұрақ
Сәлеметсіз бе! менің сізге қояр сұрағым: мен 2013 жылы ұлттық біріңғай тестілеуден өттім. Өзім алтын белгігі ұміткер едім, бірақ ҰБТ кезінде қазақ тілі пәнінен 1 балл жетпей калып 4 деген баға алдым. Осы жағдайда маған үздік аттестат беріле ме?
Жауап
«Алтын белгі» үміткеріне бір балл жетпеген жағдайда, үміткерге жоғары оқу орнына түсерде артықшылығы бар үздік куәлігі беріледі.
20 Маусым 2013
Жүнісбеков Дүйсебай Әбдімомынұлы
Сұрақ
Саламатсыз ба! Шымкент қаласы №7 Қ.Спатаев атындағы мектеп-лицейінің мектеп бітірушісі Жүнісбек Айғазының ҰБТ-гі Қазақстан тарихы пәнінен даулы сұрағы туралы. Сұрақ кітапшасының нұсқасы - 2701; Сұрақ: 23. «Реквизиция» сөзінің мағынасы. Оқушы мемлекеттік бағдарлама бойынша Мектеп баспасынан шығарылған «Қазақстан тарихы 9-сынып» (М.Қозыбаев, К.Нұрпейіс, Қ.Жүкешев) оқулығымен 9-сыныпты оқыған. Осы оқулықта бұл сұрақтың дұрыс жауабы: Бұратана халықты тыл жұмысына шақыру. (7-бет, соңғы абзац). Ал аппеляция мүшелері бұл сұрақтың дұрыс жауабы Атамұра баспасынан шығарылған «Қазақстан тарихы 9-сынып» атты оқулығында бар екендігін көрсетті. Сонда бұл сұрақтың екі кітап бойынша әр түрлі жауаптары болғаны ма? Ал оқушының оқыған оқулығы - Мектеп баспасы, ол Қазақстан Республикасы білім және ғылым министрлігімен мектепте 9-сыныпта оқытылсын деп бекітілген. Ал Атамұра баспасы, балама оқулық ретінде де саналынбайды. Сондықтан бұл сұрақты стандартқа сай емес деуге толығымен болады. Оқушының тағдыры осылай шешіле ме? Оқушы 110 бал алды, тарихтан бір балл жетпей тұр. Баланың жауабы дұрыс болып тұр емес пе? Оқушы Республикалық және Президенттік пән олимпиадасына қатысты және Санкт-Петербург халықаралық интернет олимпиадасының үш жыл бойы жүлдегер(2 –ші орын). Нәтижесі Санкт-Петербург университеті сайтында тұр. Олимпиада 1-ші деңгейлі.
Жауап
Ұлттық бірыңғай тестілеуде пайланылатын сұрақтар тек мектеп бағдарламасы шеңберінде, Министрлік бекіткен оқулықтың мазмұнына сәйкес құрастырылады. Қазақстан Республикасы Білім және ғылым министрінің 2011 жылғы 5 желтоқсандағы № 506 бұйрығымен бекітілген Ұлттық бірыңғай тестілеуді (ҰБТ) өткізу қағидаларына сәйкес ҰБТ-ға қатысушылардың құқығын қорғау мақсатында тестілеу өткізу кезеңінде апелляцияны қарау және бітірушілердің құқығын қорғау мақсатында комиссия құрастырылған. Балл қосу тек осы комиссияның құзыретіне кіреді. Сонымен қатар, балды заңды негіз, дәлел болған жағдайда ғана қосады. Егер «Алтын белгі» үміткеріне бір балл жетпесе, үміткерге жоғары оқу орнына түсерде артықшылығы бар үздік куәлігі беріледі.
20 Маусым 2013
Ұлжалғас Есейқызы
Сұрақ
Cәлеметсіз бе, Мен осы жылы 3.06 ҰБТ-де биология пәнінен ( менің таңдау пәнім) бір қате сұрақ тауып алдым. Келесі күні апелляцияға бергенімізде апелляция комиссиясы сұрақтың қателігін мойындап, Астана қаласына ақпараттарды жіберді. Бірақ, Астана қаласынан келген хабарлама бойынша таңдау пәнінің сұрақтары бойынша апелляция жасауға мүмкіндік жоқ деп айтылды. Қате сұрақтан кеткен болса, менің осы жерде кінәм жоқ қой. Маған алтын белгіге 1 балл жетпей тұр. Сұрақтың өзі: "Биосфера" терминін алғаш енгізген ғалым. Дұрыс жауап Зюсс деп белгіленген. Ал кітапта берілген мәлімет бойынша "Биосфера" терминін енгізген Ламарк, ал КЕЙІННЕН қолданған Зюсс. Сонда бұл сұрақта дұрыс жауап жоқ болып табылады. "Мектеп" баспасы, 2007, 11 сынып оқулығы 234 бет
Жауап
Қазақстан Республикасы Білім және ғылым министрінің 2011 жылғы 5 желтоқсандағы № 506 бұйрығымен бекітілген Ұлттық бірыңғай тестілеуді (ҰБТ) өткізу қағидаларына сәйкес ҰБТ-ға қатысушылардың құқығын қорғау мақсатында тестілеу өткізу кезеңінде апелляцияны қарау және бітірушілердің құқығын қорғау мақсатында комиссия құрастырылған. Республикалық апелляциялық комиссия апелляциялық комиссияның бітірушіге балдар қосу туралы ұсыныстардың негізділігін қарайды және соңғы шешім қабылдайды. Ұлттық бірыңғай тестілеуде пайланылатын сұрақтар тек мектеп бағдарламасы шеңберінде, Министрлік бекіткен оқулықтың мазмұнына сәйкес құрастырылады.
20 Маусым 2013
Жолымбет Арман Нұрланұлы
Сұрақ
Мен, Жолымбет Арман Нұрланұлы, Алматы облысы, Қапшағай қаласындағы «Орта мектеп-гимназия мектепке дейінгі шағын орталығымен» ММ түлегімін. «Алтын белгіге» үміткер ретінде ҰБТ нәтижесінде (04.06.2013ж., 1-лек, 1-аудитория) жалпы 108 балл , таңдау биология бойынша 17 балл («4»-тік баға) жинадым. Осы пәннен 5845-нұсқаның 15-сұрағында: «Балалардың арасында кең таралған вирустық ауру» деген сұрақ берілді. Менің бұл сұраққа жауабым қызылша болды. Жауаптарындағы полиомиелит (қазақша 7-сыныпқа арналған оқулықта: балалардың сал ауруы) және қызылша аурулары вирустық аурулар.(Биология:жалпы білім беретін мектептің 7-сыныбына оқулық, 2-басылымы, өңделген, толықтырылған/Қ.Қайым, Р.Сәтімбеков, Ә.Әметов, Ж.Қожантаева.-Алматы: Атамұра,2007. 12-бет) Нақты статистикалық мәліметтер оқулықта келтірілмеген. Дұрыс жауаптар кодында полиомиелитті алған. Енді бір назар аудартатын жайт, 10-сыныпқа арналған биология оқулығында (Жалпы биология:Жалпы білім беретін мектептің жаратылыстану-математика бағытындағы 10-сыныбына оқулық, 2-басылымы, өңделген, толықтырылған/Қасымбаева Т., МұхамбетжановК.-Алматы: Мектеп,2007. 88-бет) өткен ғасырдың 60-шы жылдары ғана кең таралған полиомиелит туралы мәлімет келтіріліпті. Статистикалық сараптаулардың қазіргі кезде сәт санап өзгеретінін ескерсек, оқулықтағы ақпарат көңілге қонымсыз. Сұрақ осы оқулықпен құрастырылды деген күннің өзінде, оқулықта қызылша ауруымен салыстырғанда полиомиелиттің саны қаншаға артық екендігі жайында нақты көрсеткіш жоқ.Яғни, қызылша ауруы аз дегенге дәлел жоқ. Және де бұл оқулықтың жаратылыстану-математика бағытында жазылғандығын ескере келіп, бұл сұрақтың гуманитарлық бағыттағы оқулықта бар екендігіне күмәнмен қараймын. Әрине, бір оқу жылында оқушының 2 оқулықпен оқымайтындығы шындық. Дүниежүзілік денсаулық сақтау ұйымының 2013 жылғы ақпанындағы №286 ақпараттық бюллетенінде (http://www.who.int/mediacentre/factsheets/fs286/ru/) қызылша ауруы туралы: «Корь является одной из основных причин смерти среди детей раннего возраста, даже несмотря на наличие безопасной и эффективной по стоимости вакцины.В 2011 году в глобальных масштабах произошло 158 000 случаев смерти от кори — почти 430 случаев в день или 18 случаев в час.За период с 2000 по 2011 гг. противокоревая вакцинация привела к снижению глобальной смертности от кори на 71%.»,- деген, ал сол ұйымның 2013 жылғы сәуіріндегі №114 ақпараттық бюллетенінде (http://www.who.int/mediacentre/factsheets/fs114/ru/): «С 1988 года число случаев заболевания полиомиелитом уменьшилось более чем на 99%: по оценкам, с 350 000 случаев до 223 случаев, зарегистрированных в 2012 году. Такое уменьшение стало результатом глобальных усилий по ликвидации этой болезни»,-деген статистикалық ақпараттар келтірілген. Егер де осы мәліметтерге сүйеніп қарасақ қызылшамен ауыратын балалар қатарының 71-ға, ал палиомиелитпен ауыратын балардың 99 азайғанын байқаймыз. Яғни қызылша ауруы кең таралған деген сөз. Жоғарыдағы ақпараттарға сүйене отырып, менің тест нәтижеме 15-сұрақтың 1 баллын қосып беруіңізді және де осы сұрақты тест базасынан алынып тасталуын өтінемін.
Жауап
Қазақстан Республикасы Білім және ғылым министрінің 2011 жылғы 5 желтоқсандағы № 506 бұйрығымен бекітілген Ұлттық бірыңғай тестілеуді (ҰБТ) өткізу қағидаларына сәйкес ҰБТ-ға қатысушылардың құқығын қорғау мақсатында тестілеу өткізу кезеңінде апелляцияны қарау және бітірушілердің құқығын қорғау мақсатында комиссия құрастырылған. Республикалық апелляциялық комиссия апелляциялық комиссияның бітірушіге балдар қосу туралы ұсыныстардың негізділігін қарайды және соңғы шешім қабылдайды.

Pages