Баптар

Сұрақ-жауап

1363 сұрақтардан 1231 - 1235 сұрақтар
08 Қараша 2013
Тайшыбай Зарқын
Сұрақ
Менің ЖОО 20 жылдан аса өтілім бар. Филология ғыл. кандидаты, доцентпін. Осы уақытқа дейін 6 монография, 5 оқу құралын, жүздеген мақала жаздым. М. Қозыбаев атындағы СҚМУ профессорымын ІІ. Қазақ әдебиеті мен журналистика бойынша: 1."Абай және баспасөз", монография, 8 б.т. 1967; 2. "Абайтану арнасында", монография, 14 б.т. 2005; 3. "Аударманың теорияся сен практикасы", оқу құралы, 4 б.т. 2004; 4."Алаш көсемсөзі", оқу құралы, 6 б.т.02004; 5. "Журналистиканың құқықтық негіздері", оқу құралы, 13 б.т. 2008. ІІ.Қазақстан тарихы бойынша жариялаған негізгі ғылыми еңбектері: 1. «Қазақстанның мемлекет және құқық тарихы» (Ж.Артықбаев, Н. Дулатбековпен бірге), заң оқу орындары үшін оқу құралы, 13 б.т., «Жеті жарғы», Алматы, 1997; 2. «Жақып Ақбаев. Күрескерлік өмірбаяны», ( Н. Дулатбековпен бірге), монография, 8 б.т. «Жеті жарғы», Алматы, 1998; 3. «Баспасөз тарихы», оқу құралы, 12 б.т., М. Қозыбаев атындағы СҚМУ баспасы, Петропавл, 2004; 4. «Абылай хан». Өмірі мен қызметі. Ғылыми басылым. 27 б.т., Астана; 5. Мағжанның Қызылжары, монография, 20 б.т., 2007; 6. «Қазақтың ханы – Абылай», 40 б.т.,1-том, «Мәдени мұра» сериясының кітаптары, Алматы, «Ел-шежіре», 2011. 7. «Қазақтың ханы – Абылай», 40 б.т.,2-том, «Мәдени мұра» сериясының кітаптары, Алматы, «Ел-шежіре», 2011. 8. Қазақстанның Солтүстігіндегі қазақ баспасөзінің тарихынан (Х1Х ғас. аяғы-ХХ ғас. басы) Петропавл, монография 8 б.т. 2013. 9. Қазақстанның солтүстігіндегі азаттық күресінің кейбір мәселелері(Х1Х ғас. аяғы-ХХ ғас. басы) Петропавл, монография 9 б.т. 2013. Ережеге сәйкес "Қауымдастырылған профессор" алу үшін шет елде шыққан импак-фактор мақала керек. Қазақ тарихы мен әдебиетіне қандай шетел керек? Осы мәселені қарап, сол мақаласыз-ақ құжат тапсыруыма бола ма? деген сұрағым бар. Рахмет.
Жауап
Қазақстан Республикасының Білім және ғылым министрінің 2011 жылғы 31 наурыздағы № 128 бұйрығымен бекітілген «Ғылыми атақтар (қауымдастырылған профессор (доцент), профессор) беру ережесінің» 4-тармағына сәйкес қауымдастырылған профессор (доцент) ғылыми атағы ғылыми дәрежесі бар және осы ұйымда толық ставкада жұмыс істейтін тұлғаларға: - диссертация қорғағаннан кейін осы ұйымдағы ғылыми және/немесе ғылыми-педагогикалық қызметтегі 3 (үш) жылдан кем емес үзіліссіз өтілі, оның ішінде жоғары оқу орнында доценттен (қауымдастырылған профессордан) төмен емес лауазымда немесе ғылыми ұйымда тиісті лауазымда 2 (екі) жыл еңбек өтілі; - диссертация қорғағаннан кейін жарияланған, ұсынылып отырған мамандық бойынша кемінде 14 (он төрт), оның ішінде: Комитет ұсынатын басылымдарда кемінде 10 (он); Томсон Рейтер (ISI web of Knowledge, Thomson Reuters) компаниясының ақпараттық базасының деректері бойынша нөлдік емес импакт-факторы бар халықаралық ғылыми журналдардағы кемінде 2 (екі) ғылыми еңбегі; шетелдік халықаралық конференциялардың материалдарында кемінде 2 (екі) баяндамасы. - монографиясы немесе Ғылыми кеңес ұсынған және соңғы 3 (үш) жылда басылған, көлемі 6 (алты) баспа табақтан кем емес, білім беру процесінде кемінде 1 (бір) оқу жылы пайдаланылған, жеке жазылған оқу құралы немесе оның басшылығымен диссертация қорғаған және ғылыми дәрежесі бар тұлғасы болған жағдайда беріледі. Талапқа сәйкес мақалаларыңыз болмаса, қауымдастырылған профессор (доцент) ғылыми атағы берілмейді.
07 Қараша 2013
Нуртаева
Сұрақ
Құрметті Министр мырза! Шымкент Унивеситетінің Ректоры міндетін атқарушы Шингисбаев Б.М. ВОУД-қа байланысты сыртқы бөлім студенттерінен (2 мыңдай студент) әр адамға 1,5 мың теңгеден күштеп ақша жинатып жатыр. Сл қаржыны ВОУД-ді өткізуге келе жатқан Министрлік комиссиясына беремін, олармен келісіп қойдым деп түсіндіруде. Осы шындықпа, жіберген комиссиямен алдын-ала келіскені распа? Студенттер атынан
Жауап
Жоғары білім берудің кәсіптік оқу бағдарламаларын іске асыратын білім беру ұйымдарында ОЖСБ білім беру қызметтерінің сапасын бағалау және жоғары білімнің мемлекеттік жалпыға міндетті білім беру стандартында (бұдан әрі - МЖМБС) қарастырылған оқу пәндерінің көлемін білім алушылардың меңгеру деңгейін анықтау мақсатында соңғы курс студенттері үшін жүзеге асырылады. ОЖСБ меншік нысаны мен ведомстволық бағыныстылығына қарамастан жоғары оқу орындарындағы барлық оқыту нысандары бойынша білім алушы студенттер үшін өткізіледі. ОЖСБ-ның нәтижелерін рейтингтік зерттеу жүргізетін ұйымдар пайдаланатын болады. ОЖСБ рәсімінің өткізуін бақылауды Білім және ғылым министрлігінің бұйрығымен бекітілген Министрлік өкілдері жүзеге асырады. Тестілеу рәсімі бюджеттен бөлінген қаражат есебінен өткізіледі. Сондықтан ол үшін ақша жинау заң бұзушылыққа жатады. Аталған бұзушылық орын алған жағдайда құқық қорғау органдарына шағымдану қажет.
07 Қараша 2013
Исаева Айман Базаровна
Сұрақ
Сәлеметсіздер, мен Алматы облысы Талгар ауданы Талдыбулак ауылында турамын.Біздің ауылдың мектебі 1967 жылы салынған, содан бері мектеп оқушыларына мектеп жасына дейінгі оқушыларға әжетхана қарастырылмаған.Адам шошитындай құлап жығылып жататын әсіресе мына бастауыш сынып оқушылары күніге құлап қыс болса тайып жығылып жататын жағдай, ащы шындық.Бармаған жеріміз , баспаған тауымыз жоқ, ата- аналар шырылдап жүгіреді, депутатымыз бар әкімдеріміз бар бәріне барып болдық.Оның үстіне айдалада орналасқан әжетхана, осыған арнайы комиссия келсе деп едім,ел басы келіп көрсе деп едім, мектептің ішінде еден жуып жүрген ата-аналар судың өзін сайдан арықтан тастай суды тасып, суық сумен еден жууға кірісіп жатады.Олар да ата-ана, ал ертең осы ата-аналар ауырмасына кім кепіл, неге суық күнде ең болмаса жағдай қарастырылмаған.Менің өтінішім осы мектепке әлі де кеш емес мына бастауыш мектептің бүлдіршіндеріне жағдай жасап әжетхана салып беруін өтінемін.Біздің мектепке үкімет тарапынан бір оң көзбен қарайтұғын адам табылмады ғой, бұл немқұрайлық па әлде финанстың жетіспеуі ме, арнайы комиссия келіп жатса менің тікелей телефоным 87027616541 хабарласса болады,ал жағдай жасалмаған жағдайда ата-аналар қыс айы келіп қалды бір-бір горшокты көтеріп мектеп алдында күтумен боламыз,енді ата-аналарға сол қалып еді,теледидарды шақыртып осы бір сәтті тамашалайтын боламыз.Менің балам 2-ші сыныпта оқиды,мен анасы қаламаймын баламның қыста дірдеңдеп айдалаға құлап жығылып жатқанын , қыс болғанда мұз қатады белгілі көрініс, айтпаса да түсінікті ,ауыл мектебінде оқығандар жақсы түсінуге тиіс бұл көріністі.Құдай үшін осы теледидардан көріп жатасың ел басы келіп лентасын қиып жатады не бір мектеп тағы басқаларын,сол сияқты біздің мектепке әжетхана салып берулеріңізді өтінеміз, бізде сол ел басы салдырып берген әжетхана деп лнетасын қиып ырымын жасап жатайық.Жаныма батқасын жазып жатырмын,былтыр бір бастауыш сыныптың бүлдіршіні осы әжетхана бетонына құлап басын жарып еді,ол қыз әлі бар келсеңіздер көресіздер, ал кеше бір кішкентай қыз былыққа құлап отыра кеткені, ал сол қыздың үсті-басын киімін кім тазалап берді екен, үйіне не деп барды екен.Ал енді көмек көрсетілмей жатқан жағдайда бірге болайық, бірге тойлайық осындай керемет сәттерді бірге бөлісейік.Мен жауабын күтемін,тағы да сіздермен хабарласамын,Электрондық поштама жіберсеңіздер болады ,келіп жатсаңыздар,сіздермен байланыста болайын,бірігіп шешетін мәселелер көп.
Жауап
А.Б. Исаеваның хаты Алматы облысының Білім саласындағы бақылау департаментіне (бұдан әрі - Департамент) қарауға жіберілді. Департамент тарапынан хатта көрсетілген мәселелер бойынша Алматы облыстық білім басқармасына, Талғар аудандық білім бөліміне хаттар жолданды. Алматы облыстық білім басқармасының ақпараты бойынша Талдыбұлақ ауылындағы №34 орта мектеп 1967 жылы салынған, күрделі жөндеуден өтпеген. 2013 жылы аталған мекемеге күрделі жөндеуге сметалық құжат дайындалып, 2014 жылдың жоспарына енгізілді. 2014 жылы күрделі жөндеу кезінде аталған мәселелер мен дәретхана мәселесі де шешімін табады. Аталған хат бойынша Талғар ауданының білім бөлімі жанында құрылған комиссия мектепке барып, арыз иесімен сұхбаттасып, мәселенің оңтайлы шешіміне келді.
06 Қараша 2013
Гульхан Муратхан
Сұрақ
Кайырлы күн! Мен,Талдықроған қаласы Ө.Жолдасбеков ат. Экономика және құқық академиясында екінші жоғарғы білім алудамын. (Біріншісі күндізгі жоғары) Биыл соңғы курста бізге, академия әкімшілігі ВОУД тапсыратынымызды хабарлады. Алайда, қолымызға ВОУД ережесін берген жоқ. Менің сұрағым: 1. Шекті қанша балл жинау керек? 2. Шекті баллға жетпеген жағдайда, диплом берілмейді деген рас па? 3. Нtеге бір сұрақта 3 дұрыс жауап? Менің жеке пікірім, бітпейтін тестілеуден гөрі, мемлекеттік емтихан қабылдауды күшейту керек сияқты. Алдын ала рахмет!
Жауап
ОЖСБ өткізу үшін Қазақстан Республикасының білім беру ұйымдарында оқу жетісьіктерін сырттай бағалауды өткізу жөніндегі нұсқаулыққа сәйкес МЖМБС-ның базалық және бейінді пәндердің циклдары бойынша тест тапсырмалары қолданылады. ОЖСБ 4 пән бойынша кешенді тестілеу нысанында өткізіледі. Тест тапсырмаларының саны әр пән бойынша – 25, 4 пән бойынша тест тапсырмаларын орындауға 2,5 сағат беріледі. Тест құрау әдістемесіне сәйкес сұрақта бірнеше дұрыс жауап болуы мүмкін.
05 Қараша 2013
Жадыра
Сұрақ
Саламатсыз ба? ВОУД студенттердің дипломына қаншалықты әсер етеді? Шұғыл түрде жауап берулеріңізді өтінемін.
Жауап
ОЖСБ – соңғы курстың студенттері үшін жоғары білім берудің мемлекеттік жалпыға міндетті стандарттарында көзделген білім беру қызметтерін көрсету сапасын бағалау мониторингі және білім алушылардың оқу пәндерінің көлемін меңгеру деңгейін анықтау мақсатында жүзеге асырылатын оқудың сапасына білім беру ұйымдарынан тәуелсіз мониторингтің бір түрі. Мониторингтің нәтижелері пәндерді оқытуды жетілдіру үшін әдістемелік ұсынымдарға негіз болады. ОЖСБ тапсыру кезінде өту балы жоқ. Студенттерге қатысты әкімшілік шара жөніндегі сұрақ ЖОО-лар ректоратының құзырына жатады.

Pages