Баптар

Сұрақ-жауап

1401 сұрақтардан 1176 - 1180 сұрақтар
04 Қараша 2014
Дербисова Динара Алымовна
Сұрақ
Балапан бағдарламасы бойынша жеке меншік ұйымдарында балаларды кандай жас аралығында каражатпен камтиды?
Жауап
Балаларды мектепке дейінгі және оқытумен қамтамасыз ету жөніндегі 2010 - 2014 жылдарға арналған «Балапан» бағдарламаға сәйкес жергілікті атқарушы органдармен жекеменшік мектепке дейінгі ұйым-дарда мемлекеттік білім беру тапсырысын орналастыру бойынша комиссия (бұдан әрі – Комиссия) құрылады, Комиссияның қызметі туралы ереже (бұдан әрі – Ереже) бекітіледі. Жеке меншік мектепке дейінгі ұйымдардың тізімін Комиссия Ережеге сәй-кес конкурстық негізде қалыптастырады. Конкурсқа қатысу үшін мемлекеттік білім беру тапсырысына үміткер жеке меншік мектепке дейінгі тәрбие мен оқыту ұйымдары қажетті құжаттарды ұсынады, олардың тізбесі Ережемен айқындалады. Жеке меншік мектепке дейінгі ұйымдардың тарапынан мемлекеттік білім беру тапсырысы бойынша орындар санынан ұсыныстары асып кеткен жағдайда қызмет көрсетудің өнім берушілерін Ережеде айқындалған қосымша өлшемдер бойынша конкурстық негізде Комиссия айқындайды. Мемлекеттік білім беру тапсырысы бойынша балалар контингентін жинақтау қалалардың (аудандардың) білім бөлімдері объективтілік пен айқындылықты сақтай отырып кезектілік тізіміне сәйкес жүзеге асырады. Осыған байланысты, сұрағыңызды шешу үшін жергілікті атқарушы органдарға жүгіну қажеттігін хабарлаймыз.
01 Қараша 2014
Әбенова
Сұрақ
Сәлеметсіздер ме. Колледж оқытушыларына санттардың (категория)берілу ережесін қандай құжаттар көруге болады? Магистрлерге облыстық білім басқармасы тарапынан бірінші санат автоматты түрде беріле ма?
Жауап
Саламатсыз ба! Аталған мәселені шешу ҚР БҒМ Білім және ғылым саласындағы бақылау комитетінің құзыретіне кірмейді. Сонымен қатар, жалпы орта және техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында (колледж) жұмыс істейтін педагог қызметкерлердің аттесттаттау рәсімі 2013 жылғы 07 тамыздағы № 323 Қазақстан Республикасы Білім және ғылым министрінің м.а. бұйрығымен бекітілген «Білім және ғылым саласындағы азаматтық қызметшілерді аттестаттаудан өткізу қағидалары мен шартын, сондай-ақ Мектепке дейінгі, бастауыш, негізгі орта, жалпы орта, техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қaғидалары мен шарттары» негізінде өткізілені туралы хабарлаймыз.
31 Қазан 2014
Гүлмира
Сұрақ
Пәні бойынша магистратура бітіріп, магистр академиялық дәрежесін алғаннан соң, мектепте І санат автоматты түрде беріле ма?
Жауап
Құрметті Гүлмира! Мектепке дейінгі, бастауыш, негізгі орта, жалпы орта,техникалық және кәсіптік, орта білімнен кейінгі білімнің білім беретін оқу бағдарламаларын іске асыратын білім беру ұйымдарында жұмыс істейтін педагог қызметкерлер мен оларға теңестірілген тұлғаларды аттестаттаудан өткізу қағидалары мен шарты бойынша Білім беру ұйымдарының педагогтері өз еркімен өтініш негізінде төмендегі айтылған тармақтар бойынша бірінші біліктілік санатына мерзімінен бұрын аттестаттаудан өтуге үміткер бола алады: - ЖОО-дан білім беру ұйымдарына педагогикалық жұмысқа ауысқан, 3 жылдан кем емес педагогикалық жұмыс өтілі және магистр академиялық дәрежесі бар тұлғалар; - облыстық деңгейдегі кәсіптік конкурстар, педагогикалық олимпиадалардың жеңімпаздары болып табылатын екінші біліктілік санаты бар тұлғалар; - облыстық деңгейдегі пән олимпиадаларының, шығармашылық конкурстардың, ғылыми және спорт жарыстарының, әртүрлі қатысу нысандарының (күндізгі, сырттай, қашықтан) қатысушыларын даярлаған екінші біліктілік санаты бар тұлғалар; - облыстық деңгейде өзінің педагогикалық тәжірибесін жинақтаған екінші біліктілік санаты бар тұлғалар; деңгейлік курстар бойынша біліктілікті арттырудан өткен тұлғалар;
29 Қазан 2014
Тарғынов Елғон Құсайынұлы
Сұрақ
Батыс Қазақстан облысы Орал қаласы тел үй 279022 жұмыс 509630 Менің немерем Елғон Тілеухан Демеуханұлы №44 мектепте 1 сыныбында оқыйды. Жақында тексеріп қарасам әріп таныйды да әріптерді қосып оқый алмайды. Мектебіне барып сұрап едім, балаңызды докторға қарату керек деді, ал доктор баланың ақыл есі дұрыс деп қайтарып жіберді. Мектеп балаңызға қосымша сабақ қою керек деп мені шығарып жіберді. Бір ай болды әлі күнге қосымша сабақ қойған жоқ. Обылстық білім саласындағы бақылау департаменті басшысының міндетін атқарушы Ш.Аққалиеваға электрондық почта арқылы арыз жібергем арызымды қабылдамай қолын керек деп хабар жіберді, сонан арыз жазып қолымды қойып алып барғам оқыды да дұрыс емес деп қайтарып жіберді. Менің сұрағым неге менің арызым қабылданбады. Неге менімен заңгермен ібрге сойлесті маған осы тұсініксіз
Жауап
Құрметті Елғон Құсайынұлы! Қазақстан Республикасы 2007 жылғы 12 қаңтардағы № 221 Жеке заңды тұлғалардың өтініштерін қарау тәртібі туралы заңының 6 бабына сәйкес жазбаша өтiнiшке қойылатын талаптар бар. Олар: 1. Өтiнiш құзыретiне өтiнiште қойылған мәселелердi шешу кiретiн субъектiге немесе лауазымды тұлғаға жiберiлуге тиiс. 2. Жеке тұлғаның өтiнiшiнде оның тегi, аты, сондай-ақ қалауы бойынша әкесiнiң аты, почталық мекен-жайы, заңды тұлғаның өтiнiшiнде - оның атауы, почталық мекен-жайы, шығыс нөмiрi мен күнi көрсетiледi. Өтiнiшке арыз иесi қол қоюы не ол электрондық цифрлық қолтаңбамен куәландырылуға тиiс. Шағым жасалған кезде iс-әрекетiне шағым жасалып отырған субъектiнiң атауы немесе лауазымды тұлғалардың лауазымы, тегi және аты-жөнi, өтiнiш жасау себептерi мен талаптары көрсетiледi. 3. Субъектiге тiкелей жазбаша өтiнiш жасаған арыз берушiге тiркелген күнi мен уақыты, өтiнiштi қабылдаған адамның тегi мен аты-жөнi көрсетiлген талон берiледi. Жоғарыда айтылғандары ескере отырып, Батыс Қазақстан облысы Білім және ғылым саласындағы бақылау департаментінің (бұдан әрі -Департамент) тарапынан заңды тәртіпте жоспардан тыс тексерісті тіркеу үшін Сізге өтінішіңізді департаментке ұсыну қажет.
29 Қазан 2014
Даривхан Аманбек,
Сұрақ
Ассалаумағалейкум, қадірлі Білім және ғылым саласындағы бақылау комитетінің қызметкерлері! Сіздерден сұрайын дегенім шет елден келген студент балалар Өскемен қаласына оқуға келген, Оларды келген соң басқа обылысқа жіберіп жатыр әрине ол дұрыс қой бірақ 3-4 бала біз қайтсекте Өскемен қаласында оқимыз баска жерге бармаимыз деп отыр , өиткені олардың бірлі жарым туыс- туғандары осында ғой Енді бұл балалар қалай істемек осыларға басқа жаққа сілтемей осы аталмыш қалада қалуына кім жардем бере алады ВКГУ-да дайындық курысынна келген балалар еді Шешімін таба алмай отырмыз,ата жұртына оқу үшін келген шет елдік қазақ балалар гой келген жері Баян-өлгиге қаита кеткілері келмеиди ,Осы өтінішімізге бір жөн сілтерсіздер деген үмітеміз,
Жауап
Саламатсыз ба! Сіздің сұрағыңыз Жоғары, жоғары оқу орнынан кеінгі білім және халықаралық ынтымақтастық департаментнің құзыретіне жатады. Осыған орай, сұрақты аталған деапартаментке немесе Министрліктің сайтына (www.edu.gov.kz) жіберуіңіз қажет.

Pages