Баптар

Басшылық туралы

Құрылған:04.06.2012, 17:13   |   Жаңартылған:15.03.2018, 12:39

Жұмашев Ғалымжан Сұлтанбекұлы - төрағаның орынбасары

 Ғалымжан Сұлтанбекұлы Жұмашев 1984 жылы 25 желтоқсанда Оңтүстік Қазақстан облысының Түркістан қаласында дүниеге келген. Ұлты–қазақ. Қазақ, орыс, ағылшын тілдерін меңгерген. 2005 жылы Заманауи гуманитарлық академияны «Құқықтану» мамандығы бойынша (Ресей Федерациясы, Мәскеу қ.), 2015 жылы М.Х.Дулати атындағы Тараз мемлекеттік университетін «Құқықтану» мамандығы бойынша магистратураны аяқтаған.

Еңбек жолын 2004 жылы «Алан» ЖШС заңгер-кеңесші болып бастаған (Алматы қ.).

2006-2007 жылдары Астана қаласы Соттар әкімшісінің сот орындаушысы. 2007-2016 жылдары  Қазақстан Республикасы Білім және ғылым министрлігінің Заң қызметі және халықаралық ынтымақтастық департаментінде жетекші маманнан бастап басқарма басшысына дейінгі түрлі лауазымдарды атқарған. 2016 жылдың 27 маусымынан бастап Қазақстан Республикасы Білім және ғылым министрлігінің  Заң қызметі және халықаралық ынтымақтастық департаменті директорының орынбасары қызметінде болған.

2018 жылдың 3 қаңтарынан бастап Қазақстан Республикасы Білім және ғылым министрлігінің  Білім және ғылым саласындағы бақылау комитеті төрағасының орынбасары болып тағайындалды.

ҚР Білім және ғылым министрінің құрмет грамоталарымен (2012 ж., 2014 ж., 2016 ж.), ҚР Әділет министрлігінің «Заң» ведомстволық медалімен (2017 ж.) марапатталған.  

Отбасылы, 3 баласы бар.

 

Бөлебаева Ләззат Қайдирбекқызы - төрағаның орынбасары

Бөлебаева Ләззат Қайдирбекқызы 1975 жылы 23 мамыр айында Қызыл-Орда қаласында туған. 1996 жылы «Мемлекеттік бюджет» мамандығы бойынша Қазақ мемлекеттік басқару академиясын (Алматы қ. Халық шаруашылық институты) бітірді. 2011 жылы Қазақстан Республикасы Президенті жанындағы Мемлекеттік басқару академиясының Мемлекеттік саясат ұлттық мектебін бітірді, «Саясаттану» мамандығы бойынша Әлеуметтік білімдер магистрі атағы тағайындалды. 1996-1998 жылдар аралығында «Триллис» компаниясында бухгалтер болып жұмыс атқарды. 1998-2011 жылдар аралығында ҚР Статистика жөніндегі агенттігінде: Статистикалық ақпараттарды талдау және жариялау департаментінің Экономикалық талдау және конъюнктурлық тексерулер бөлімінде бас маман, Координациялау департаментінің Құрылымдық статистика бөлімінде, Тіркелімдер және жіктелімдер департаментінің Жіктелімдер және метадеректерді жүргізу басқармасының бастығы, Ұлттық шоттар және зерттеулер департаменті директорының орынбасары, Тіркелімдер және жарияланымдар департаментінің директоры болып жұмыс атқарды. 2012 жылдың қаңтар айынан бастап Білім және ғылым саласындағы бақылау комитетінің Төраға орынбасары қызметін атқаруда. «Қазақстан Республикасының тәуелсіздігіне 20 жыл» медалімен марапатталды (2011ж.).